ஊரடங்கைத் தவிர்க்க முடியாது?

*ஊரடங்கைத் தவிர்க்க முடியாது*

கொரோனா வைரஸ் இன் மூன்றாவது அலை தாக்கம் இந்தியாவில் வெகு வேகமாக பரவி வருகிறது. அதுமட்டுமில்லாமல் ஒமிக்ரான் என்ற புது கொரோனா மாறுபாடும் பரவிய அச்சத்தை ஏற்படுத்தியுள்ளது. இதனால் இந்தியாவில் பெரும்பாலான இடங்களில் ஊரடங்கு அமல்ப்படுத்தப்பட்டுள்ளது.

இந்நிலையில் பொதுமக்கள் ஒத்துழைப்பை வழங்காவிட்டால் கர்நாடகாவில் ஊரடங்கை அமல்படுத்துவது தவிர்க்க முடியாது என முதலமைச்சர் பசவராஜ் பொம்மை தெரிவித்துள்ளார்.

கர்நாடகா பெலகாவின் விமான நிலையத்தில் செய்தியாளர்களை சந்தித்து “இரண்டு Dose தடுப்பூசிகள் மற்றும் நெகட்டிவ் சான்றிதழ்கள் இருந்தால் மட்டுமே கர்நாடகாவில் நுழைய முடியும்” என்று பசவராஜ் பொம்மை தெரிவித்தார்.

மேலும் கர்நாடகாவை ஒட்டியுள்ள எல்லைப்பகுதியில் சோதனைச் சாவடிகள் அமைத்து தீவிரமாக கண்காணிக்கப்படும் என்று தெரிவித்தார். கர்நாடகாவில் கொரோனா தொற்றுப்பரவள் வேகமாக அதிகரித்து வருவதால் ஏற்கனவே இரவு நேர ஊரடங்கு அமல்ப்படுத்தப்பட்டதை சுட்டிக்காட்டினார்.

கொரோனா பரவலைத் தடுக்க பல்வேறு கட்டுப்பாடுகள் விதிக்கப்பட்டுள்ளன என்றும் இதற்கு பொதுமக்கள் ஒத்துழைப்பை வழங்காவிட்டால் கர்நாடகாவில் ஊரடங்கு அமல்படுத்துவதை தவிர்க்க முடியாது என்று கூறினார்.